Не се залажувај со паузата!

Во систем како овој во кој има планирано пауза на секоја вежба не се радувајте прерано. По првата серија ќе сфатите зошто. Таа е тука доволно само колку да земете некој здив и подготвите за новата вежба. Како и секогаш кога тајмерот ни е најдобриот другар низ тренингот бидете доследни и почнете го секој интервал навреме бидејќи брзо ќе помине времето па да не ви биде криво :)

Back-chain base

Во очекување на нов тренинг ова ќе биде права гозба за телото. Пет вежби соодветно искомбинирани со опсег од 20 повторувања на секоја од нив, ќе ве задржат будни 20 па похрабрите и 30 минути. Целта е задниот ланец на мускулатура на телото кој е важен за правилно држење и функција на истото. Загрејте се добро и препуштете се на возењето. На крајот ќе сфатите за што зборуваме.

3 петки многу забава

Релативноста на траење на 5 минути и овојпат ќе ја ставиме на тест. Пар вежби комплементарни меѓусебе се она што е темата на овој тренинг. Нема потреба од многу комплицирање. Фокусирајте се на изведбата и се разбира дајте онолку интензитет колку што сметате дека е потребно имајќи во предвид дека како и останатите и овој тренинг треба и може сериозно да ве предизвика. Следете го тренерот и мудро со паузата, верувајте ќе треба.

Новото значење на 40/20

На тренинзите со брзи промени по однос на времетраењето на вежбите од огромно значење е да почнете и тогаш кога мислите дека не можете. Тоа е состојба само на умот и ваша задача е да му го покажете спротивното. Поголем дел од интервалите ќе бидат динамични каде што задачата е да останете да се движите колку е можно по константно додека пак пократкиот е позиција на статична издршка и можност да земете здив. Не чекај, пуштај го тренингот и уживај во слатката мака.

Најважниот тренинг ден

Омилениот на многу од вас тренинг за нозе е повторно на мени. Иако познати вежби сепак заслужуваат внимание при изведувањето за да добиеме правилен стимул на целната регија. Тежината одберете ја соодветно да во секоја серија последните 2-3 повторување се солидно тешки како би ја стимулирале посакуваната реакција од мускулниот систем.

Да комплементираме по долниот дел

Соодветно на претходниот тренинг овој пат сакаме да таргетираме сосема друга регија како би дозволиле комплетен опоравок на мускулатурата. Иако таргетот е горен дел вметнатите елементи на аеробен капацитет ќе ви дозволи да одморите помеѓу вежбите и да почнете силно секоја следна серија. Табата е мотивот повторно па пуштајте тајмерите и уживајте.

Ниту малку ниту многу

20 како број на повторувања најчесто ни претставува непрекината рунда на изведба на споменатите вежби но сепак не е за потценување. Се разбира не во подоцнежните серии од тренингот. Дадете максимум од себе да издржите што е можно подолго со цели 20-ки, а пак кога ќе стане невозможно правете паузи но планирани и кратки. Држи се до последни сили!

Две серии, само задна линија

Најважниот дел од мускулниот систем кој многумина го изоставуваат и не му даваат доволно внимание само поради тоа што не се гледа во огледало. Да драги мои, тоа што не се гледа и е позади на телото, е токму тоа е мускулатурата која го држи целиот систем. Подигаме, влечеме, нишаме и чучнуваме. Едноставен склоп на вежби со многу магија во себе. Дајте максимум и чекаме на фидбек.